Krasniqi: Korrupsioni në Qeverinë Kurti është i përmasave që nuk gjendet as në rajon

unnamed-file-1862

krasniqi:-korrupsioni-ne-qeverine-kurti-eshte-i-permasave-qe-nuk-gjendet-as-ne-rajon

krasniqi:-korrupsioni-ne-qeverine-kurti-eshte-i-permasave-qe-nuk-gjendet-as-ne-rajon

Kryetari i PDK-së, Memli Krasniqi, tha se Kosova nuk ka parë korrupsion më të madh sesa ky në qeverisjen e Kurtit.

“Nëse ka pasur korrupsion në Kosovë ndonjëherë, ky është korrupsion i jashtëzakonshëm që ka depërtuar në poret e çdo institucioni dhe çdo niveli qeverisës, por që ka një piramidë të caktuar. Nuk është korrupsion jo i strukturuar, por i strukturuar dhe i lidhur drejtpërdrejtë me qeverisjen dhe kryeministrin Kurti”, tha Krasniqi në Klan Kosova.

Ai shtoi se korrupsioni më i madh po ndodhë në fushën e energjisë, dhe se ambasadori i Kosovës në Kroaci, Martin Berishaj, është personazhi kryesor.

“Në momentin kur do të publikohet, dëshmohet dhe zbulohet tregimi, në qendër të së cilit qëndron ambasadori i Kosovës në Kroaci, shoku i Albin Kurtit, Martin Berishaj, unë besoj se secili qytetar do ta shohë që korrupsioni masiv që ka ndodhur në këtë qeverisje, ka qenë i përmasave që ndoshta as në rajon nuk kemi me i gjetë, krimin dhe korrupsionin që është bërë në fushën e energjisë në këtë qeverisje. Martin Berishaj është pika gravidacionale, qendra e skandalit më të madh korruptiv e financiar në rajon që bazën e ka në Slloveni e Serbi, njeri ka bajtë pare me çanta”, deklaroi Krasniqi.