Humb jetën një 18-vjeçare pasi bie nga lartësia e një objekti në Prishtinë

Një femër e moshës 18-vjeçare dyshohet se ka rënë nga lartësia e një objekti, dhe si pasojë ka ndërruar jetë.

Zëdhënësi i Policisë së Kosovës në rajonin e Prishtinës, Agron Borovci ka bërë të ditur për Front Online se vdekjen e viktimës e ka konstatuar mjekët emergjent.

“Rreth orës 20:30, është raportuar se në rrugën “Sali Nivica” në Prishtinë, një person ka rënë nga lartësia e një objekti. Policia menjëherë ka dalë në vendin e ngjarjes ku ka ftuar edhe mjekët emergjent të cilët kanë konstatuar se personi, femër, rreth 18 vjeç, është pa shenja jete”,ka bërë të ditur Borovci.

Ai tutje ka njoftuar se policia ka nisur hetimet për të zbardhur rastin.

“Aktualisht policia ka nisur punën për zbardhjen e plotë të të gjitha rrethanave që karakterizojnë ngjarjen”, ka thënë ai.