AGK shpreh ngushëllime për vdekjen e gazetarit, Haqif Mulliqi

agk-shpreh-ngushellime-per-vdekjen-e-gazetarit,-haqif-mulliqi

agk-shpreh-ngushellime-per-vdekjen-e-gazetarit,-haqif-mulliqi

Asociacioni i Gazetarëve të Kosovës (AGK), ka shprehur ngushëllime për vdekjen e gazetarit, Haqif Mulliqi.

Mulliq ka vdekur në moshën 63-vjeçare, dhe pos gazetar ka qenë edhe dramaturg për një kohë të gjatë.

”Veprimtarinë e tij si gazetar e kishte filluar në gazetën Bota e Re, (1983 – 1990), duke vazhduar në gazetën Fokus në Kroaci (1992), gazetën Potlet në Zagreb (1988 -1991), e më pastaj edhe si redaktor e korrespodent edhe në shumë gazeta e revista të tjera vendore dhe ndërkombëtare”, thuhet në ngushëllimin e AGK-së teksa tregon për biografinë e tij.

Mulliqi gjithashtu ishte profesor në Universitetin e Prishtinës, në Fakultetin e Filologjisë në Departamentin e Gazetarisë, si dhe në Fakultetin e Arteve.

”Ai la pas vetes një krijimtari të gjerë në gazetari, publicistikë e dramaturgji. Gjithashtu, kontribut të jashtëzakonshëm, Mulliqi ka dhënë gjatë viteve 1998-99, në raportimin gjatë luftës në Kosovë”.

”Asociacioni i Gazetarëve të Kosovës shpreh ngushëllimet më të sinqerta për familjen, miqtë dhe kolegët e tij”, thuhet në njoftim.